Dy raketa kanë rënë në oborrin e rezidencës së kryeministrit izraelit, Benjamin Netanyahu, në Cezare, një incident që ka ngjallur shqetësime të mëdha për sigurinë.
Sipas raportimeve nga Policia dhe Shin Bet, shërbimi i sigurisë së brendshme, kjo ngjarje është konsideruar një “përshkallëzim i rrezikshëm”. Fatmirësisht, Netanyahu dhe familja e tij nuk ndodheshin në shtëpi në momentin e sulmit.
Ky incident vjen pas një tjetër sulmi javët e fundit, kur një dron i nisur nga Libani goditi fasadën e po kësaj shtëpie, duke shkaktuar dëme të konsiderueshme.
