Në një nga ndeshjet më të rëndësishme të Grupit B1 të Ligës së Kombeve, Shqipëria po luan ndaj Republikës Çeke në “Arenën Kombëtare”. Pjesa e parë është mbyllur me rezultatin 0-0, ndërsa kuqezinjtë kanë treguar karakter, duke zhvilluar një lojë të kujdesshme dhe duke u mbështetur në ofensivën e Laçit, i cili ka luajtur një rol të avancuar në mesfushë.
Skema 4-3-3 e trajnerit Sylvinho ka funksionuar mirë, me Strakoshën në portë dhe mbrojtësit Balliu, Ismajli, Ajeti dhe Mitaj që kanë mbajtur të paprekur rrjetën. Në mesfushë, Asllani dhe Ramadani kanë dhënë kontrollin e lojës, ndërsa Asani dhe Bajrami kanë mbuluar krahët.
Maja e sulmit i është besuar Indrit Tucit, që është përpjekur të krijojë mundësi. Shqipëria kërkon fitoren, e cila është thelbësore për mbajtjen e shpresave për vendin e parë në grup.
