Autoriteti i Mediave Audiovizive (AMA) ka kërkuar profesionalizëm dhe etikë nga mediat audiovizive në mbulimin e tragjedisë që ndodhi më 18 nëntor në Tiranë, ku një 14-vjeçar humbi jetën dhe disa të tjerë u plagosën gjatë një akti dhune mes adoleshentëve.
AMA vlerësoi se shumica e mediave e kanë mbuluar ngjarjen me kujdes, duke respektuar dhimbjen e familjarëve. Megjithatë, u raportuan disa shkelje, përfshirë publikimin e të dhënave të pasakta dhe të panevojshme që mund të keqinterpretohen dhe abuzohen për qëllime sensacionale.
AMA apeloi për mbrojtjen e interesave të fëmijëve dhe të familjeve të prekura dhe u angazhua për monitorimin e çdo shkelje të mundshme.
