Pep Guardiola ka nënshkruar një marrëveshje të re njëvjeçare me Manchester City, duke i dhënë fund spekulimeve të shumta për të ardhmen e tij në klub. Edhe pse kontrata e tij përfundon në fund të këtij sezoni dhe aludohej se mund të largohej, trajneri katalanas ka rënë dakord për kushte të reja me kampionët e Anglisë. Njoftimi zyrtar i rinovimit pritet të bëhet në ditët në vijim.
Guardiola, i cili ka udhëhequr Manchester City që nga viti 2016, është një nga trajnerët më të suksesshëm në historinë e klubit, duke fituar gjashtë tituj të Premier Ligës, përfshirë katër të fundit radhazi, dy Kupa FA, katër Kupa të Ligës, si dhe titullin e Ligës së Kampioneve në sezonin 2022-2023. Kjo do të jetë sezoni i tij i 10-të në drejtimin e Manchester City, duke e cementuar më tej vendin e tij si një nga trajnerët më të suksesshëm të të gjitha kohërave.
