Deputeti i PD-së, Flamur Noka, ka reaguar me akuza të forta ndaj ministres së Shëndetësisë, Albana Koçiu, gjatë diskutimeve për projektbuxhetin 2025 në Kuvend. Noka e quajti Koçiun “pa shkollë të mesme” dhe e akuzoi se ka marrë diplomën nga një “patriot” i tij.
Ai gjithashtu e kritikoi për planifikimin e fondeve për sektorin e onkologjisë, duke thënë se nuk ka planifikuar asnjë ndihmë për të.
“Hajdute pa shkollë, diplomën ta ka bërë një patrioti im, je pa shkollë të mesme. Ju jetoni në botë paralele. Harrojeni se do të prekni zgjedhjet, shqiptarët do ua bëjnë zgjidhjen më të lehtë”, tha Noka.
