Dy vëllezër shqiptarë, Ilmi dhe Klinton Rakipaj, janë dënuar me nga 18 vjet burg secili, për vrasjen e bashkëatdhetarit të tyre, Albert Deda, në Padova të Italisë. Krimi ndodhi më 23 korrik të vitit 2023, pas një përleshjeje mes vëllezërve dhe viktimës.
Sipas hetimeve, vëllezërit Rakipaj, të cilët jetonin në via Dorighello në Padova, kishin refuzuar të strehojnë Albert Dedën dhe dy bashkëatdhetarë të tjerë që kishin mbërritur ditën e mëparshme.
Pas një debati mes tyre, vëllezërit përdorën thikë dhe goditën Deda-n në zemër, duke e shkaktuar vdekjen e tij, ndërsa plagosën rëndë dy të tjerë, njëri 26 vjeç dhe tjetri 28 vjeç.
