Hetimet e fundit të agjencive ligjzbatuese italiane kanë zbuluar përfshirjen e mafies shqiptare në trafikun ndërkombëtar të kokainës, duke përdorur portet e Evropës dhe Amerikën Latine për të dërguar lëndën narkotike.
Sipas dosjes hetimore, shqiptarët operojnë në porte kryesore si Rotterdam, Hamburg dhe Antwerp, duke koordinuar dërgesa ndërkombëtare me grupet kriminale të Ndrangheta-s. Në këtë rrjet, paratë për trafikun e drogës transferohen përmes sistemit të këmbimit të parave nëntokësor “Fei Ch’ien”, i njohur gjithashtu si “hawala”, që përdoret për të shmangur mbikëqyrjen bankare.
Hetuesit zbuluan gjithashtu metoda të ndryshme për transportimin e parave të gatshme, duke përfshirë përdorimin e fjalëve të njohjes dhe kodifikimin e numrave të serisë së kartëmonedhave për të siguruar transaksionet.
