Një 24-vjeçar shqiptar, Mustafa Likalla, është dënuar me 8 muaj burg në Britani të Madhe pasi u arrestua brenda një shtëpie të shndërruar në fabrikë kanabisi.
Ai u gjet i fshehur në papafingo, në një shtëpi me katër dhoma gjumi që përdorej për rritjen e mbi 150 bimëve kanabis, me vlerë rreth 1,000 £ secila.
Likalla kishte arritur në Britani përmes një varke të vogël dhe kishte pretenduar se ishte mbyllur në shtëpinë e kultivimit të drogës, duke u kujdesur për bimët, pasi ishte kërcënuar nga borxhet ndaj një grupi kriminal.
Avokati i tij theksoi se ai kishte qenë nën presion dhe nuk kishte pasur ndërgjegjësim të plotë për përmasat e operacionit të kanabisit. Gjykata e gjeti fajtor për prodhimin e kanabisit.
