Aksident në Lushnjë-Rrogozhinë, makina përplas mjetet e parkuara
Një aksident ka ndodhur pasditen e sotme në autostradën Lushnjë-Rrogozhinë, pranë rrethrrotullimit të Plugut.
Sipas policisë, ngjarja u shkaktua nga lagështia në rrugë dhe shpejtësia e lartë me të cilën një makinë tip “Opel” po udhëtonte, duke dalë nga rruga dhe përplasur dy automjete të tjera të parkuara para një hoteli.
Fatmirësisht, aksidenti shkaktoi vetëm dëme materiale dhe nuk ka pasur të lënduar. Policia ka ndaluar drejtuesin e automjetit dhe po heton shkeljen e rregullave të qarkullimit rrugor.
