Kryeministri i Hungarisë Viktor Orban ka reaguar pas vendimit të Gjykatës Penale Ndërkombëtare pasi lëshoi urdhër-arrest për Benjamin Netanyahun.
Orban në një deklaratë tha se do të ftonte Netanyahun për të vizituar Hungarinë, për ti garantuar se urdhër-arresti kundër tij “nuk do të respektohej”.
“Sot do të ftoj kryeministrin e Izraelit, zotin Netanyahu, për një vizitë në Hungari dhe në atë ftesë do t’i garantoj atij se nëse ai vjen, vendimi i ICC nuk do të ketë efekt në Hungari dhe ne nuk do të ndjekim përmbajtjen e tij” u shpreh Orban.
Ditën e enjte ICC lëshoi urdhër-arresti për Netanyahun dhe ish shefin etij të mbrojtjes si dhe një lider të Hamasit, Ibrahim Al-Masri, për krime të dyshuara lufte dhe krime kundër njerëzimit në konfliktin e Gazës.
