Deputeti i Partisë Socialiste, Pandeli Majko, ka komentuar takimin me Diasporën shqiptare në Londër, duke e cilësuar këtë qytet si “Londrën shqiptare”.
Majko theksoi se gjithmonë ka shpresë sa kohë që ka njerëz të cilët e kanë Atdheun në zemër. Ai shprehu mirënjohjen për mikpritjen dhe mbështetjen e emigrantëve, duke i falenderuar ata për rolin e tyre në forcimin e lidhjeve me Shqipërinë.
Në postimin e tij në rrjetet sociale, Majko u shpreh: “Dy ditë në Londrën ‘shqiptare’ e cila na mirëpriti… Ka gjithmonë shpresë sa kohë ka njerëz të mirë të cilët atdheun kanë të parin! JU FALEMINDERIT!” Ai ka ndarë gjithashtu pamje nga salla e mbushur me emigrantë kuqezi dhe flamuj shqiptarë, duke nënvizuar atmosferën e ngrohtë dhe përkushtimin e diasporës.
