Një gomone e mbushur me emigrantë është përmbytur në ujërat greke, pranë ishullit të Samos, në Egjeun Lindor, duke shkaktuar vdekjen e 8 personave, përfshirë 6 fëmijë dhe 2 gra. 36 të tjerë janë shpëtuar.
Tragjedia ndodhi ndërsa gomonia po udhëtonte nga Turqia në kushte moti të keq. Operacioni i shpëtimit është ende në zhvillim, me pjesëmarrjen e anijeve dhe helikopterëve të Rojës Bregdetare greke.
Fluksi i emigrantëve drejt Greqisë është rritur në muajt e fundit, duke krijuar një situatë emergjente në kampet e pritjes.
