Më 26 nëntor 2024, Kolegji i Gjykatës Kushtetuese shqyrtoi kërkesën e Sali Berishës për të shfuqizuar masën e “arrestit në shtëpi”, të vendosur nga Gjykata e Posaçme për Korrupsionin dhe Krimin e Organizuar.
Gjykata vendosi të kalojë çështjen për shqyrtim në seancë plenare pa praninë e palëve dhe të thirrë Kuvendin dhe Prokurorinë e Posaçme si subjekte të interesuara.
Po ashtu, Gjykata pranoi kërkesën e Berishës për “përshpejtimin e gjykimit” dhe caktoi seancën plenare për datën 27 dhjetor 2024, ora 10:00.
