Sekretari i Përgjithshëm i NATO-s, Mark Rutte, u takua dje me Presidentin turk, Recep Tayyip Erdogan, ku diskutuan për çështje të sigurisë, përfshirë situatën në Kosovë.
Rutte përgëzoi Turqinë për përfundimin e suksesshëm të komandës së KFOR-it, misionit paqeruajtës të NATO-s në Kosovë, duke theksuar se kontributi i vazhdueshëm i Turqisë është kyç për ruajtjen e një mjedisi të sigurt dhe të qetë në Kosovë.
Pas vizitës në Turqi, Rutte kishte ndalur më parë në SHBA, ku u takua me Presidentin e zgjedhur, Donald Trump.
