Presidenti i Rusisë Vladimir Putin në një konferencë për mediat tha se vendi i tij do të qëllojë me raketat e reja hipersonike objektivat “e vendimmarësve” në kryeqytetin ukrainas Kiev.
Putin lavdëroi raketat Oreshnik dhe tha se janë më të avancuarat dhe nuk ka të ngjashme në Perëndim.
“Shtabi i Përgjithshëm rus dhe Ministria e Mbrojtjes janë aktualisht duke përzgjedhur objektivat në Ukrainë për raketën “Oreshnik”. Sistemet hipersonike të Rusisë nuk kanë ekuivalente globale. Armët shtesë, duke përfshirë sisteme të reja raketore, mund të zhvillohen në të ardhmen e afërt”, tha ai.
Më pas Putin iu referua qeverisë së Ukrainës si “jolegjitime” dhe “uzurpatore”.
