Reshjet e shumta të dëborës kanë përfshirë juglindjen e Shqipërisë dhe kanë krijuar vështirësi në lëvizjen e makinave, si dhe ka ndërprerje të energjisë elektrike në disa zona. Në Dradhë dhe në Voskopojë trashësia e dëborës ka shkuar deri në 30 centimetër.
Ndërkohë ndërprerja e energjisë elektrike ka prekur mijëra abonentë në disa zona rurale. Aktualisht janë 5 628 abonenë në total pa energji elektrike, të shpërndarë në disa fidera kryesorë si në:
-Fideri Vithkuq (NST Rehovë): Pa energji, 6 abonentë në zona rurale (Brozdovec dhe Mazrek). Fideri Cervenakë (NST Gur i Kuq): Pa energji, 12 abonentë në zona rurale.
Fideri Potgozhan (NST Gur i Kuq): Pa energji, 160 abonentë në Bishnicë dhe Çezmat.
Fideri 8 (NST Bilisht): Pa energji, 570 abonentë në Goricë e Madhe, Goricë e Vogël, Kallamas dhe Gollomboc.
Fideri 5 (NST Bilisht): Pa energji, 3,210 abonentë në zonën e Mirasit.
Fideri 19 (NST Korçë): Pa energji, 150 abonentë në Dardhë.
Fideri Frigorifer (NST Gjanç): Pa energji, 120 abonentë në Lavdar.
Fideri 6 (NST Mollas): Pa energji, 50 abonentë në Panarit.
Fideri 9 (NST Lozhan): Pa energji, 100 abonentë në Lozhan.
Ndërkohë punonjësit e OSHEE janë duke punuar për riparimin e avarive, por për momentin nuk ka një afat të qartë për rikthimin e furnizimit me energji në të gjitha zonat e prekura.
