Policia e Shkodrës ka shpallur në kërkim një 35-vjeçar pasi i ka vënë tritol banesës dhe biznesit të Ardian Fierzës në gusht dhe në nëntor të këtij viti. 35-vjeçari kishte konflikt për pronësinë e një Agjensie Funerale.
Policia ka arrestuar edhe motrën e 35-vjeçarit, e cila ka bashkëpunuar me të për marrjen e shume parash nga Ardian Fierza.
Gjatë kontrollit në banesën e 35-vjeçarit me iniciale B.P., u gjetën dhe u sekuestruan 1 armë zjarri pistoletë, municion luftarak, 1 radio dore si e Policisë, 1 laptop, 1DVR dhe 11 celularë. Ndërsa materialet procedurale shtesë i kaluan Prokurorisë, për veprime të mëtejshme.
