Sekretari i Përgjithshëm i Partisë së Lirisë Tedi Blushi në një konferencë për mediat ka komentuar për buxhetin e vitit 2025.
Blushi theksoi se buxheti 2025 është i vjedhjes më të madhe në historinë e Shqipërisë. Ai tha se buxheti është më antisocial dhe i themellimit të varfërisë së thellë e të pamerituar.
“Kemi 11,7% rritje ose 112.3 miliard lekë për vjedhje me rrugët e florinjta e investimet gjoja publike, që në fakt janë gropa septike korrupsioni siç është rruga Korçë-Ersekë që u shemb ende pa inauguruar apo siç ishin bakshishet të ngjashme me atë të tunelit të Llogarasë që u paguan rreth 50 milionë euro”, tha ai.
