Koreja e Jugut po përballet me një krizë të thellë pas tentativës së presidentit Yoon Suk-Yeol për të shpallur ligjin ushtarak si një përpjekje për të konsiliduar pushtetin e tij. Ky vendim i presidentit ka shkaktuar një sërë protestash popullore duke vënë pikëpyetje të ardhmen e tij në detyrë.
Lëvizja e Yoon për të shpallur ligjin ushtarak ishte një përpjekje për të mbrojtur veten dhe gruan e tij, Kim Keon-hee, nga akuzat për korrupsion dhe abuzim me pushtetin. Bashkëshortja e presidentit ka qenë në qendër të një skandali, pas një videoje të publikuar vitin e kaluar ku ajo shihet duke pranuar një çantë Dior, rreth 3 mln won, 2200 dollarë, të dhuruar nga një pastor koreano-amerikan.
Presidenti reagoi dhe e ka cilësuar atë si “marifet” që synon që të dëmtojë partinë e tij përpara zgjedhjeve legjislative. Ai justifikoi pranimin e çantës nga gruaja e tij, duke thënë se ajo ishte “thjesht shumë e këndshme për të refuzuar me zemër të ftohtë” një dhuratë të tillë.
Sipas Reuters, disa anëtarë të partisë Konservative të Pushtetit Popullor i kanë bërë thirrje presidentit dhe gruas së tij Kim Keon-hee që të kërkojnë falje për incidentin.
Analistët thanë se kur Kim, si bashkëshortja e një zyrtari qeveritar, pranoi çantën, e cila kishte një çmim prej 3 milionë won (2,250 dollarë), ajo mund të ketë shkelur një ligj kundër ryshfetit. Ndërsa mbështetësit e presidentit thonë se Kim është viktimë e një komploti të paligjshëm për ta ngritur atë dhe një fushate shpifjeje
