Banorët e fshatit Gështenjas në njësitë administrative Buçimas kanë protestuar për mungesën e transparencës dhe disa probleme teknike lidhur me projektin e asfaltimit të rrugëve.
Ata shprehen të shqetësuar për mungesën e informacionit mbi parametrat e investimit, vlerën e tij dhe afatet e realizimit, duke theksuar se projekti nuk është afishuar në hyrje të fshatit. Gjithashtu, banorët kanë evidentuar mangësi në punime, si kanale të pasistemuar dhe keqadministrim të infrastrukturës. Inxhinierja e punimeve ka theksuar se janë bërë ndryshime për të përmirësuar cilësinë e projektit.
Ky projekt, që ka nisur në Maj të vitit 2023, ka një vlerë investimi prej 117 milionë lekësh dhe parashikon asfaltimin e rreth 60,000 m² rrugë.
