Në kuadër të “Javës së Integritetit”, Ministrja për Administratën Publike dhe Antikorrupsionin, Adea Pirdeni, prezantoi kursin online të Këshillit të Evropës “Hyrje në Parandalimin e Korrupsionit”, i cili do të jetë i aksesueshëm për të gjithë punonjësit e administratës publike, në nivel qendror dhe lokal.
Ky kurs përfshin 13 module dhe trajton aspekte të ndryshme të luftës kundër korrupsionit, si menaxhimi i konflikteve të interesit, dhuratat, deklarimi i pasurisë dhe transparenca.
Ministrja Pirdeni e cilësoi këtë iniciativë si një hap të rëndësishëm drejt standardeve të larta etike dhe një administrate publike më të përgjegjshme. Kursi është i aksesueshëm në gjuhën shqipe përmes platformës online HELP të Këshillit të Evropës.
