Ministri i Ekonomisë, Kulturës dhe Inovacionit, Blendi Gonxhja ishte në Muzeun Kombëtar “Shtëpia me Gjethe”, ku së bashku me studentët e Fakultetit të Historisë dhe Filologjisë zhvilloi një diskutim mbi ngjarjet e 8 Dhjetorit 1990.
Gonxhja u shpreh se 8 Dhjetori është një moment historik që ndryshoi drejtimin e Shqipërisë.
“Ky bashkëbisedim ishte një mundësi për të ndarë mendime, kujtime dhe për të frymëzuar brezat e rinj të mbajnë të gjallë frymën e demokracisë. Sepse guximi për të vepruar është forca që sjell ndryshimin dhe e ardhmja i përket atyre që nuk hezitojnë të ndërmarrin hapa përpara”, nënvizoi Gonxhja.
