Në një operacion të realizuar nga Policia e Kosovës në koordinim me Prokurorinë Speciale, janë konfiskuar 105 mijë euro në Gjilan, të cilat dyshohet se janë të falsifikuara.
Paratë u gjetën gjatë kontrollit të një automjeti të drejtuar nga një mashkull kosovar. Gjatë hetimeve, u gjet edhe një makinë për numërimin e parave dhe disa telefona celularë. Dyshimi është se persona të ndryshëm po tentonin të vënë në qarkullim këto para të falsifikuara.
I dyshuari është arrestuar dhe është dërguar në mbajtje për 48 orë, nën akuzat për “falsifikim të parasë” dhe “pastrim parash”.
