Në seancën e sotme të megaprocesit gjyqësor “Plumbi i artë”, ku po dëshmon i penduari i drejtësisë, Nuredin Dumani, ka pasur tensione të shumta.
Gjatë seancës, të akuzuarit nga SPAK u kundërvënë bashkëpunëtorit të drejtësisë, duke ndërprerë dëshminë e tij.
Një prej të akuzuarve, Petrit Qoli, u shpreh me fjalët më të rënda për Dumanin, duke e quajtur atë “krijesën më të shpifur njerëzore që kam njohur në 53 vitet e jetës time”.
Tensionet e shkaktuara pas kësaj deklarate kanë përshkallëzuar atmosferën në sallë, duke bërë që seanca të ndërpritej për disa minuta.
