Dy aksidente të rënda ndodhën mëngjesin e kësaj të marte në dy akse rrugore të rëndësishme.
Në aksin Korçë-Pogradec, afër fshatit Lumalas, drejtuesi i një “Ford”-i humbi kontrollin dhe doli nga rruga, duke u përplasur me barrierat mbrojtëse. Shoferi mbeti i plagosur, dhe dyshohet se shkaku ishte shpejtësia e lartë dhe lagështia në rrugë.
Në aksin Librazhd-Elbasan, një tjetër aksident përfshiu dy automjete, një “Skoda” dhe një “Toyota”, ku të dy shoferët u lënduan dhe u dërguan për trajtim në spitalin e Elbasanit. Po ashtu, dyshohet se moti i keq dhe shpejtësia kanë qenë shkaktarët e përplasjes.
