Sindikatat italiane organizuan një grevë mbarëkombëtare më 13 Dhjetor 2024, duke protestuar për rritjen e pagave dhe pensioneve, si dhe kundër planit të shpenzimeve të qeverisë së djathtë të kryeministres Giorgia Meloni.
Bllokada 24-orëshe preku transportin publik në qytete të mëdha si Romë dhe Milano, si dhe spitale dhe shkolla, por aeroportet mbetën të paprekura. Kjo ishte greva e dytë brenda disa ditësh, e cila synon të sfidojë projektin e buxhetit të vitit 2025 që po diskutohet në parlament.
Sindikatat kërkojnë rritje të pagave dhe pensioneve përballë inflacionit të lartë dhe më shumë fonde për shëndetësinë dhe arsimin, në një kontekst të borxhit të lartë kombëtar që pritet të arrijë në tre trilionë euro këtë vit.
