Pas shortit të kualifikuesve për Botërorin 2026, ku Shqipëria do të përballet me Anglinë, Serbinë, Letoninë dhe Andorrën, Ismail (Ballist) Morina ka shprehur mendimin e tij në rrjetet sociale.
Ai kujton se më 14 tetor 2014 ishte hera e parë që Shqipëria luajti ndaj Serbisë dhe thekson se përballja e asaj dite duhet të mbahet mend nga pala armiqësore.
“Me 14 tetor 2014 ishte hera e parë dhe si herë e parë duhej domosdoshmërish të mbahej mend nga pala armiqësore.
Ata tashmë janë të zhvirgjëruar. Unë vetë nuk jam i interesuar më për ta… i shumëzoj me 0”, shkruan ai.
Këto deklarata vijnë në një kontekst tensioni mes dy vendeve, duke reflektuar ndjenjat e forta të historisë së përbashkët.
