Kreu i grupit parlamentar të Partisë Demokratike, Gazment Bardhi, ka denoncuar një tjetër skandal financiar në fushën e energjisë elektrike, këtë herë duke e lidhur atë me zv/kryeministren Belinda Balluku. Ai ka publikuar një krahasim mes dy projekteve digash për HEC, njëri realizuar nga KESH (shteti) dhe tjetri nga një kompani private.
Bardhi theksoi se diga e Zadejës, e ndërtuar nga KESH, ka kushtuar 8,2 milionë euro, ndërsa një projekt privat me kapacitet më të madh energjie kushton vetëm 3,7 milionë euro, duke krijuar një diferencë prej 4,5 milionë eurosh. Ai e quajti këtë një abuzim të madh me paratë e qytetarëve shqiptarë, duke kërkuar që zv/kryeministrja të mbajë përgjegjësi.
