Komisioni i Ekonomisë ka miratuar një ligj që fal gjobat për ndërtimet pa leje në shtëpi private, përfshirë ato në qytete dhe zona rurale. Ky ligj, i propozuar nga socialisti Erion Braçe, synon të shfuqizojë penalitetet e vendosura nga institucionet përkatëse gjatë 10 viteve të fundit.
Demokratët e kanë kritikuar këtë nismë, duke e cilësuar si një masë elektorale dhe diskriminuese për disa kategori, megjithatë Braçe ka theksuar se kjo nismë nuk ka motive politike dhe se ata që kanë ndëshkuar kanë qenë nga opozita.
Ligji pritet të votohet në seancën plenare të enjten e ardhshme. Sipas të dhënave, në vitin 2022 janë regjistruar 1492 masa administrative për ndërtimet pa leje në zonat rurale, ndërsa në qytete nuk ka informacion të saktë mbi numrin e gjobave.
