Qindra qytetarë dhe aktivistë të ekstremit të djathtë organizuan një protestë në Magdeburg, pas ngjarjes tragjike në tregun e Krishtlindjeve, ku pesë persona humbën jetën nga një sulm me makinë.
Protestuesit, të mbledhur në Hasselbachplatz, shfaqën flamuj gjermanë dhe rusë, duke ngritur parulla si “Ata që nuk e duan Gjermaninë, duhet të largohen” dhe “Atdheu dhe riemigrimi tani”.
Protesta u mbështet nga partia e ekstremit të djathtë AfD, ndërkohë që ndërhyrja e policisë ishte e nevojshme pas një sherri mes dy individëve të pranishëm.
