Një aksident ka ndodhur sot në aksin rrugor Fier-Lushnjë, në vendin e quajtur Vajkan, ku një makinë e forcave “Shqiponja” është përplasur me barrierën ndarëse.
Fatmirësisht, nuk ka persona të lënduar, vetëm dëme materiale. Shkaku i përplasjes dyshohet të jetë një autoveturë që ka prerë rrugën makinës së efektivëve.
Policia ka mbërritur në vendin e ngjarjes për të zbardhur shkaqet e aksidentit.
