Vlora po përjeton një rritje të ndjeshme të fluksit të emigrantëve dhe turistëve, pasi trageti i linjës Vlorë-Brindisi ka mbërritur sot në port me 1,015 pasagjerë dhe 176 automjete.
Ky intensifikim i lëvizjeve është i lidhur me festat e fundvitit, kur emigrantët kthehen për të kaluar kohë me familjet e tyre, dhe turistët zgjedhin të vizitojnë bregdetin shqiptar për pushime.
Autoritetet portuale kanë marrë masa për të përballuar fluksin dhe për të siguruar një përvojë të qetë për udhëtarët.
