Një automjet tip “Volkswagen” i ish-oficerit të krimeve, Leonard Dervishllari, u shkrumbua nga flakët në fshatin Rrëmenj. Zjarri ra rreth orës 01:30, ndërsa makina ishte parkuar disa ditë pranë banesës së Dervishllarit. Dyshohet se zjarri ka qenë aksidental, por hetimet për sqarimin e plotë të ngjarjes janë ende në vazhdim.
Sipas informacionit të policisë, përveç automjetit të Dervishllarit, u dogjën edhe dy makina të tjera që ishin parkur afër. Ish-oficeri i policisë ka dhënë një deklaratë për hetuesit, ku ka sqaruar se nuk ka konflikte dhe nuk dyshon te asnjë person për mundësinë e një zjarri të qëllimshëm. Policia po punon për të zbardhur rrethanat e ngjarjes.
