Ambasadori britanik në Kosovë, Jonathan Hargreaves, ka reaguar pas vendimit të Komisionit Qendror të Zgjedhjeve (KQZ) për të mos e certifikuar Listën Serbe për zgjedhjet parlamentare të 9 shkurtit.
Ai ka kërkuar që procesi zgjedhor të zhvillohet me integritet dhe mbi bazën e procedurave ligjore, duke theksuar se nuk duhet të ndikohen nga interesat politike. Në një postim në Facebook, Hargreaves gjithashtu ka kërkuar që KQZ-ja dhe anëtarët e saj të marrin parasysh kërkesën për certifikimin e Listës Serbe, duke siguruar një proces gjithëpërfshirës dhe transparent.
“I bëj thirrje Komisionit Qendror të Zgjedhjeve të sigurohet që procesi zgjedhor të zhvillohet me integritet dhe mbi bazën e procedurave të duhura ligjore dhe jo të interesave politike”, ka shkruar ai.
“Ne presim që KQZ-ja dhe të gjithë anëtarët e saj të marrin në konsideratë certifikimin e Listës Serbe sipas zbatimit gjithëpërfshirës, transparent dhe të fuqishëm të rregulloreve përkatëse”, tha ai.
