Kryetari i Shqipëria Bëhet Adriatik Lapaj me anë të një postimi në rrjete sociale ka reaguar në lidhje me rrëzimin e kërkesave për lista të hapura në zgjedhje.
Lapaj shprehet se sot Gjykata Kushtetuese humbi një mundësi të artë për të dëshmuar pavarësinë nga politika.
“Sot, Gjykata Kushtetuese vendosi kundër hapjes së sistemit zgjedhor.
Personalisht, unë besoj te institucionet dhe punoj që ato të forcohen. Për këtë arsye, atë që nuk arriti ta garantojë gjykata, ne do ta arrijmë politikisht. Ne nuk do të ndalemi derisa të rrëzojmë SISTEMIN e KRYETARËVE.
Ndëshkojeni me votën tuaj masive këtë sistem të kalbur të KRYETARËVE!
Vota juaj është vendimi final! E keni ju në dorë ti lini apo ti shpartalloni”, shkruan Lapaj.
