Shqipëria ka kaluar objektivin e NATO-s për shpenzimet në mbrojtje, duke arritur 2.03% të Prodhimit të Brendshëm Bruto (PBB) në vitin 2024, nga 1.35% në vitin 2014.
Ky është një përparim i dukshëm për vendin në përputhje me angazhimet e Aleancës, ndërkohë që 23 shtete anëtare pritet të përmbushin ose kalojnë objektivin 2% për mbrojtjen.
Për më tepër, pas ardhjes në pushtet të Donald Trump, SHBA-të mund të kërkojnë që vendet anëtare të rrisin shpenzimet për mbrojtje deri në 5% të PBB-së.
Kjo mund të çojë në një periudhë të re investimesh të mëdha në fushën e sigurisë për shtetet e NATO-s.
