Dy persona u arrestuan dhe 5 të tjerë u proceduan penalisht në Korçë, Devoll dhe Pogradec për vepra të ndryshme penale, përfshirë shantazhimin me foto intime të një të miture, aksident trafiku, dhunë në familje dhe konflikte fizike.
Komisariati i Policisë Devoll arrestoi 20-vjeçarin I. N. për shpërndarjen e fotove intime të një shtetaseje të mitur në rrjetet sociale. Pas denoncimit të të dëmtuarës, celulari i tij u sekuestrua si provë.
Në Pogradec, një aksident ka ndodhur në unazën e qytetit, ku një këmbësore u plagos, dhe drejtuesja e mjetit, E. Sh., 28 vjeçe, u arrestua për shkelje të rregullave të qarkullimit rrugor. Po ashtu, janë proceduar penalisht dy të tjerë për një aksident të dytë.
Një tjetër rast i dhunës në familje u regjistrua në fshatin Bulgarec, ku O. L., 48 vjeç, dyshohet se ka ushtruar dhunë ndaj bashkëshortes dhe vajzave të tij të mitura, që janë pajisur me urdhër mbrojtjeje. Dy persona të tjerë, V. L. dhe R. L., u proceduan për një konflikt me një 48-vjeçar.
