Reperi amerikan Pitbull, i njohur si Armando Christian Pérez, iu bashkua pastrimit të kristaleve për topin e famshëm që është vendosur në Times Square.
Vetëm tre ditë përpara natës së madhe, Pitbull së bashku me kompaninë CleanBoss, që ai bashkëthemeloi me Joy Mangano, u bë partneri zyrtar i pastrimit në këtë ndërtesë.
“Ky top kristal këtu është më i famshëm në botë. Është diçka shumë motivuese dhe frymëzuese. Kështu që ne jemi këtu me CleanBoss për të ndihmuar në pastrimin e tij. Unë pastroja shtëpitë me nënën time. Pra, të jesh në gjendje të vish nga pastrimi i shtëpive me nënën time për të qenë këtu në Times Square”, tha reperi Pitbull.
Ndërsa Jeffrey Strauss, president i Countdown Entertainment që organizon festimet e Vitit të Ri në Times Square tha “Jemi në majë të One Times Square për të instaluar trekëndëshin e fundit kristal falë Pitbull dhe Joy Mangano. Ata e bënë të bukur dhe të pastër”.
