Mëngjesin e sotëm tre persona kanë humbur jetën teksa po kalonin kanalin anglez me një varkë të vogël. Ndërsa 45 persona të tjerë janë shpëtuar dhe morën ndihmë mjekësore në plazh, ku shumë prej tyre vuanin nga hipotermia dhe katër të tjerë u dërguan në spital.
Zyra e Brendshme konfirmoi se kishte pasur një incident në ujërat franceze dhe se autoritetet franceze po drejtonin hetimin.
Më shumë se 36,000 njerëz kanë kaluar kanalin me varka të vogla deri më tani këtë vit, duke tejkaluar totalin e vitit 2023 që ishte mbi 29 mijë, sipas shifrave të qeverisë britanike.
