Drejtori i Përgjithshëm i Policisë së Shtetit Ilir Proda ndoehej në Kakavijë dhe ka kërkuar që të krijohen lehësira ligjore për qytetarët që përdorin pikat e kalimit kufitar.
“Këto janë momente ku qytetarët tanë kthehen për të festuar vitin e ri në shtëpitë e tyre. Këto janë ditë festash dhe për të gjitha shërbimet e Policisë Kufitare kërkohet më shumë angazhim. Të gjithë në detyrë; asnjë pengesë artificiale nuk dua të vijë nga strukturat tona. Vlerësim maksimal, çfarë të kemi mundësi tua lehtësojmë lëvizjen. Bashkëpunoni me homologët, që lëvizja të jetë e njëtrajtshme nga të dyja anët e kufirit.”, tha Proda.
Ai gjatë bisedës me drejtorin e Policisë Kufitare të Janinës Diamantis Dimitrios, i kërkoi që në pikën e kalimit në palën greke të punohet me të njëjtin numër sportelesh, në mënyrë që të mundësohet lëvizja e njëtrajtshme dhe të eleminohen radhët në hyrje apo në dalje.
