Nga dita e sotme qytetarët e Bosnjë-Hercegovinës mund të lëvizin pa viza në Kosovë.
Ky vendim ka hyrë në fuqi në mesnatë dhe lejon lëvizjen e lirë për të gjithë ata që mbajnë karta identiteti nga Bosnja dhe Hercegovina.
Grupi i parë i qytetarëve boshnjakë ka hyrë në Kosovë pas orës 12:00 pas mesnate, duke u pritur nga zëvendëskryeministrja e Kosovës, Emilia Rexhepi, në pikëkalimin kufitar.
Kjo shënon fillimin e heqjes së regjimit të vizave për qytetarët e Bosnjë-Hercegovinës, një vendim që u njoftua nga Kryeministri Albin Kurti gjatë Samitit të Procesit të Berlinit në tetor të vitit 2024.
