Sulmuesi i Kombëtares shqiptare, Rei Manaj, ka vendosur të qëndrojë te Sivaspor, pasi ka rinovuar kontratën me klubin turk për edhe një vit e gjysmë, duke i dhënë fund spekulimeve për një mundshëm transferim tek Trabzonspor.
Manaj, që sezonin e kaluar u shpall golashënuesi më i mirë i Sivasporit, ka fituar besimin e drejtuesve të klubit, të cilët kanë vendosur të vazhdojnë bashkëpunimin me të. Ky vendim tregon rëndësinë e tij për skuadrën dhe pritshmëritë që ai të vijojë të jetë lider në sulm. Lajmi është konfirmuar nga klubi turk përmes një postimi zyrtar në faqen e tij.
