Një pjesë e madhe e Europës do të përfshihet nga ngricat siberiane. Meteorologët italianë paralajmërojnë se mesi i janarit pritet ta gjejë Kontinentin e Vjetër, përfshirë edhe Ballkanin, të veshur me një pelerinë anticiklonike të ftohtë.
Temperaturat e buta do t’ia lenë vendin ngricave, megjithatë mbetet e paqartë nëse këto masa ajrore do të jenë kalimtare apo do të zgjasin në kohë.
Ndërkohë, këtë fundjavë, Britania e Madhe, Skocia dhe Irlanda e Veriut ndodhet nën pushtetin e borës. Temperaturat arrijnë në -10 gradë në Skoci, ndërsa në disa pjesë të vendit ka probleme me energjinë elektrike.
Ndërkohë bora e dendur ka përfshirë gjatë natës Anglinë dhe Uellsin, ndërsa autoritetet paralajmërojnë shoferët të kenë kujdes për shkak të ngricave në rrugë.
