Juristi i Partisë Demokratike, Franc Nuri i ftuar në emisionin 5 pyetjet nga Babaramo thotë se masa detyrim paraqitjeje ndaj ish-kryeministrit Berisha është e pakuptimtë.
“Nuk është e sanksionuar në Kod, që në momentin që dosja shkon në gjykatë të hiqen masat e sigurisë. Ne po themi që masat e sigurimit ndaj zotit Berisha kanë rënë në shkallë të parë. Nga momenti që Berisha u lirua 27 nëntor e deri 3 janar, a u vu në rrezik ndonjë element, ndonjë provë? Asgjë nuk ndodhi? Për ca shërben kjo masë sigurimi? Pse merret kjo masë, thjesht për kunj, që të dalë fjala e SPAK që tha do vish të paraqitesh. S’ka asnjë logjikë tjetër, çfarë do garantojë kjo paraqitje dy herë në muaj, përkundrazi u dha sot një tribunë nga ku ai e përdor për politikë dhe kështu do ta përdorë”, tha Nuri.
