Kryetari i Zubin Potokut Izmir Zeqiri ka thënës e sulme të ngjshme në Ibër-Lepenc mund të përsëriten.
Zeqiri ka thënë se aktualisht situata është nën kontroll dhe qytetarët duhet të ndihen krenarë me infrastrukturën ligjore që ofron shteti i Kosovës për të gjithë, pa asnjë dallim.
“Tash, sa i përket grupeve ose individëve që mund të bëjnë sërish veprime të tilla, unë nuk e shoh të pamundur, sepse ndodhin nëpër të gjitha shtetet e konsoliduara. Sa i përket sigurisë, mendoj se gjithçka është nën kontroll, edhe pse ekipet e sigurisë akoma hulumtojnë ndërlidhjet me rastin që ka ndodhur (në kanalin Ibër-Lepenc), kështu që situata është nën kontroll. Besoj se është një relaksim i situatës edhe sa i përket qytetarëve, do të thotë jetohet lirshëm, qarkullohet lirshëm dhe punohet lirshëm”, ka thënë Zeqiri në Kosova Press.
