Policia e Shkodrës ka arrestuar autorin e vrasjes së 33-vjeçarit Ramazan Mataj, i cili u qëllua për vdekje më 5 janar 2025 në fshatin Dragoç.
Pas një hetimi intensiv, u identifikua se autori i krimit ishte 29-vjeçari Arjon Hasaj, i cili për motive të dobëta, organizoi dhe krye vrasjen e Matajt. Sipas hetimeve, Hasaj përdori llogari të rreme në rrjetet sociale për të nxjerrë Matajin në pritë, ku dyshohet se e vrau.
Vëllai i autorit, Klisman Hasaj, ka ndihmuar në sigurimin e kushteve për realizimin e krimit dhe për fshehjen e armës. Policia ka gjetur armën e përdorur në vrasje, e cila ishte groposur pas krimit në një zonë pyllore.
Dyshimet janë se Ramazan Mataj kishte ndikuar në prishjen e marrëdhënieve bashkëshortore të motrës së autorit. Pas arrestimeve, hetimet vijojnë për dokumentimin e plotë të ngjarjes dhe ndihmën që mund të kenë pasur të tjerë në këtë krim.
