Ka kaluar një vit nga ekzekutimi i Gëzim Sinomatit, i cili u qëllua me snajper në ballkonin e shtëpisë së tij në Vlorë. Ngjarja ndodhi më 7 janar 2024, kur ai ishte duke pirë një cigare dhe u godit nga një plumb që erdhi nga sedilja e pasme e një automjeti. Pavarësisht hetimeve të gjera, deri tani nuk ka asnjë të dyshuar për ekzekutimin e tij.
Gëzimi ishte djali i Sokol Sinomatit, i njohur si “Buzderri”, i lidhur me botën e krimit dhe ish-anëtar i bandës së Gaxhait. Hetuesit kanë dyshuar për një mundësi ngatërrese shënjestre, pasi më herët edhe xhaxhai i tij kishte pësuar një atentat. Policia ende po heton rreth motiveve dhe autorëve të mundshëm të ngjarjes, e cila ka tronditur qytetin e Vlorës.
