Policia e Shtetit ka finalizuar tre operacione për kapjen e tre personave të shpallur në kërkim ndërkombëtar. Dy prej tyre, Ylli Zherri dhe Lumnije Freskina, akuzohen për trafikim narkotikësh si pjesë e organizatave kriminale në Itali.
Zherri, i arrestuar në Mamurras, ka një urdhër arresti nga Gjykata e Vareses, ndërsa Freskina u kap në Shkodër dhe është kërkuar nga Gjykata e Apelit të Firences.
Një tjetër person, Ahmad Farran, 37 vjeç, shtetas suedez, është arrestuar në Tiranë për kanosje serioze për vrasje. Farran ishte i kërkuar nga Gjykata e Orebros në Suedi.
Arrestimet janë realizuar pas një koordinimi me autoritetet homologe të policisë italiane dhe suedeze, dhe tashmë po vazhdojnë procedurat e ekstradimit të të dyshuarve.
