Komuniteti Ortodoks i Tiranës ka vijuar me lutje këtë të premte në Kishën e Ungjillëzimit, duke kërkuar shëndetin e Kryepiskopit Anastas, i cili po kalon vështirësi me shëndetin e tij.
Besimtarë të ndryshëm, të moshave të ndryshme, si dhe klerikë të Tiranës janë mbledhur për të lutur për shërimin e tij. Lutjet kanë filluar në orën 21:00 dhe do të vazhdojnë deri në orët e para të mëngjesit të nesërm.
Në të njëjtën kohë, ceremoni lutjesh janë mbajtur edhe në kisha ortodokse të tjera të vendit, përfshirë Korçën, ku besimtarët janë bashkuar për shëndetin e Kryepiskopit Anastas.
Ky moment ka përfshirë gjithashtu dhe personalitete politike, si Lulzim Basha, i cili i është bashkuar lutjeve për Kryepiskopin.
