Ministri i Brendshëm, Ervin Hoxha, ka njoftuar se Shqipëria do të presë për herë të parë Kampionatin Botëror të Futbollit për Ekipet e Policisë, një ngjarje që do të zhvillohet nga 4 deri më 8 qershor 2025 në Shkodër. Gjatë një takimi me Presidentin e Shoqatës Ndërkombëtare të Policisë (IPA – Seksioni Shqiptar), Skënder Dodën, Hoxha shprehu mbështetje për organizimin e këtij eventi dhe konfirmoi pjesëmarrjen në ceremoninë e hapjes.
Në këtë turne futbolli, ku do të garojnë rreth 40 ekipe policie nga vende të ndryshme, pritet të marrin pjesë gjithsej deri në 1000 persona, përfshirë familjarë dhe tifozë. Organizimi i ngjarjes po mbështetet nga Bashkia e Shkodrës dhe klubi i futbollit Vllaznia.
“Për organizimin e tij, janë angazhuar edhe bashkia e Shkodrës, ekipi i Vllaznisë etj”, thekson ministri.
“Parashikohet të marrin pjesë rreth 40 ekipe, që shoqërohen nga familjarë e tifozë, deri në 1000 persona”, nënvizoi Hoxha.
